NU GSPP конференциясы туралы

NU GSPP конференциясы – бұл академиялық және кәсіби саяси қауымдастық өкілдеріне сапалы білім беру және байланыс орнату мүмкіндіктерін ұсынуға бағытталған жыл сайынғы іс-шара. Конференция қоғамдық саясат пен мемлекеттік басқарудың әртүрлі салаларын қамтиды. Бұл – ғалымдар, жас зерттеушілер, практиктер мен мамандар үшін коммуникация алаңы.

«Мемлекеттік саясаттың күрделілігін еңсеру: сын-қатерлер мен мүмкіндіктер»
2025 жылғы 17–18 қазан | Назарбаев Университеті, Астана, Қазақстан | Аралас формат

Назарбаев Университетінің Жоғары мемлекеттік саясат мектебі (GSPP) 2025 жылдың 17–18 қазан күндері 9-шы халықаралық GSPP конференциясын өткізетініне қуанышты.
Конференция аралас форматта өтеді — қатысушылар шараға тікелей немесе онлайн қосыла алады. Бұл алаң мемлекеттік саясаттың күрделі табиғатын қазіргі өзгермелі және өзара байланысты әлем жағдайында терең талқылауға арналған.

Биылғы конференцияның басты тақырыбы
«Мемлекеттік саясаттың күрделілігін еңсеру: сын-қатерлер мен мүмкіндіктер» — басқару, тұрақтылық және инновациялар мәселелерін күн тәртібіне шығарып, артып келе жатқан саяси күрделілік жағдайында осы сұрақтарды жан-жақты қарастыруды көздейді.

Қатысушылар екі күн бойы панельдік сессияларға, интерактивті семинарларға және желілік іс-шараларға қатысып, өзара тәжірибе алмасады.

Конференцияның құрылымы
1-күн – 17 қазан 2025 ж.
Конференция ашылу салтанатымен және пленарлық баяндамамен басталады. Одан кейін конференция тақырыптарына арналған панельдік сессиялар өтеді.
Күн соңында сағат 19:00–22:00 аралығында өтетін гала-кешкі ас ұсынылады. Оған қатысу үшін жеке тіркеліп, ₸25 000 көлемінде ақы төлеу қажет.

2-күн – 18 қазан 2025 ж.
Бұл күн дағдыны дамытуға және бірлескен оқуға арналады.
Бағдарламада:

• PhD деңгейіндегі зерттеу әдістері бойынша семинарлар,
• Мемлекеттік саясат саласындағы мамандандырылған тренингтер,
• Қатысушылар арасындағы өзара байланысты нығайтуға арналған тақырыптық дөңгелек үстелдер бар.

Конференция тақырыптары
2025 жылғы конференция мынадай негізгі бағыттарды қамтиды:

• Күрделілікке желілік тұрғыдан қарау: өзара байланысты саясат жүйелерін тиімді басқару жолдарын зерттеу;
• Көпдеңгейлі және желілік басқару: саясатты түрлі институттық деңгейде үйлестіру мәселелері;
• Күрделіліктің артуы, шешімі қиын мәселелер және саясаттағы сәтсіздіктер: белгісіз әрі тұрақты мәселелерге саясат қалай әрекет етеді;
• Тұрақты даму және саяси жауаптар: ұзақ мерзімді даму мақсаттарына саясаттың ықпалын зерделеу.

Мақалаларға шақыру
Зерттеушілер мен тәжірибешілер 2025 жылғы 9 тамызға дейін 150 сөзден аспайтын қысқаша аннотация ұсынуға шақырылады.
Конференция материалдары жинағына енуді қалайтындар 500–1000 сөз аралығындағы толық жазылған аннотацияны 3 қыркүйекке дейін жолдай алады. Барлық өтінімдер gsppconference@nu.edu.kz электрондық поштасы арқылы қабылданады.
Қатысу туралы шешім 2025 жылғы тамыз айының ортасында хабарланады, ал толық мақалалар (қалауы бойынша) конференцияға дейін екі апта бұрын тапсырылуы тиіс.

Өткен NU GSPP конференциялары туралы толығырақ: